तत्पर मदतीचा 'मुंडे पॅटर्न'
दिव्यांग कुटूंबाला आधार ! दोन दिवसांपूर्वी सामाजिक न्यायमंत्र्याकडे मदतीच्या अपेक्षेने गेलेल्या दिव्यांग चक्षू बांधवांनी कल्पना ही केली नसेल अवघ्या ४८ तासात आपल्यास मदत मिळेल. धनंजय मुंडे याच्या रूपानं देवदूतचं लाभल्याची भावना त्यांच्या चेहऱ्यावर दिसून आली. तत्पर व जलद मदतीच्या या 'मुंडे पॅटर्न' ची आता सर्वत्र चर्चा होत आहे. बीड तालुक्यातील साक्षाळ पिंप्री येथील यादव निवृत्ती क्षीरसागर, विठ्ठलबाई यादव क्षीरसागर, राजाबाई साठे, मुरलीधर साठे व छगूबाई साठे या ५ दिव्यांग चक्षू व्यक्तींना 'दिव्यांग कल्याण निधी'तून प्रत्येकी १ लक्ष रूपयांची मदत करण्यात आली. दिनांक २४ जानेवारी २०२० रोजी बीड येथील शासकीय विश्रामगृहात क्षिरसागर व साठे या दोन दिव्यांग चक्षू कुटुंबातील ६ व्यक्तींनी एकत्रितपणे नामदार धनंजय मुंडे यांची भेट घेतली होती. बीड जिल्हा परिषद विषय समित्यांच्या सभापती निवडीच्या अत्यंत व्यस्त दिनक्रमात ही या कुटूंबास मुंडे यांनी भेटीसाठी वेळ दिला होता. त्यावेळी मुंडे यांनी समाजकल्याण सहाय्यक आयुक्त सचिन मडावी , जिल्हा समाज कल्याण अधिकारी राजू येडके यांना निर्द...