SURESH PATIL BLOG

विभागीय वसतिगृह - शैक्षणिक सक्षमतेचे पाऊल ! वसतिगृह असावे तर असे,  विद्यार्थ्यांची गुणवत्ता ही कायम विस्तीर्ण परिसर, भव्य शासकीय इमारत, सुंदर व तितक्याच स्वच्छ खोल्या आणि अधिकारी-कर्मचारी व विद्यार्थ्यांमध्ये असलेले विश्वासाचे अतूट नाते म्हणजे आडगांव येथील १००० मुलांचे शासकीय वसतिगृह. नाशिक-धुळे रस्त्यावरील आडगांव शिवारातील निसर्गरम्य हवेशीर परिसरात सामाजिक न्याय विभागाच्या वसतिगृहाची ही इमारत डौलात उभी आहे. महामार्ग वरून जाणाऱ्या प्रवाश्यांचे या टोलेजंग इमारतीकडे आपसूकच लक्ष जाते. तालुकास्तरावरील वसतिगृहाव्यतिरिक्त मोठया जिल्हयाच्या ठिकाणी विभागीय वसतिगृहाची संकल्पना राज्यातील सात ठिकाणी राबविली जात आहे. यामध्ये नाशिकचा समावेश झाल्याने या परिसरातील मागासवर्गीय जातीतील विविध घटकांच्या विद्यार्थ्यांना वसतिगृह सुविधेचा लाभ मिळत आहे. उपलब्ध तंत्रज्ञानामुळे सर्वच क्षेत्रात स्पर्धा वाढल्या आहेत. मागासगर्वीय विद्यार्थ्यांनाही या स्पर्धांना सामोरे जावून आपली प्रगती साध्य करणे या वसतिगृहामुळे शक्य झाले आहे. विभागीय मुख्यालयाच्या ठिकाणी नामवंत व प्रथितयश महाविद्यालये असल्याने अशा ...